أصعب شي لمن أعز شخص عندك يغدر بيك وتشوف عذرة مالة وجود

أدريك تغدـر
أني أدريك تغدر ومجبور أحبك ومنتظر موعد هل الغدر منك حتى أموت
حتى أموت بصدمتي ويروح همـك
تصنع جرح ما تجبـر؟ هم أحبك
وما اكدر اجر روحي منـك
أني رايد موتي يتوسد وسط حضنك
أدريك تغدر وهذا همي وماكو همـك واني دمي يسيل ويه مجرات دمك
تريد تطعني وأني قلبك؟ وأني ودك؟ هيج كلي شلون حتى اتبره منـك
هم شايف حبيب يموت من يلتمس خدك؟
لو سامع حسرتي بتوالي الليل من اريد اغفه يمك؟
لو شايف طفل مخنوك وأجه بصدرك بده يشمك
وبعينه دمع ما ينزل محبوس جوه الجفن ويباع وجهك
واني احبك وانـــت جرحي وأني فرحك
وأني أبجــي؟ وأنته تضحـك
بسيوفك تحز قلبي وما احذرك ولا انصحك!
موتني حتى أرتـآح ويطيب جرحك؟
أني ميت وأنته تدري وليش ضرب الميت يريحك؟
أدريك تغدر ولك هذا حضي وهذا حضك
تكتب أحبــــك حيـل؟ بس كذاب حبرك
وأني أحبك وانتبه خـآيف أخسرك
وأني عمري يروح حتى يدوم عمرك!
أنته دربك غير دربي وهذا قصدك
وهذا حلمك واني حلمي الموت من صدري يضمك