تمطــــــــــــــر حــــــزن مضـــــــــلوم

وصلت بيه شيبه اشتعلت من جفاك
صعد دخان بيهه وشيبي رد اسود
امطرلك حزن مظلوم عشر سنين
من يوم العرفتك مارحمت الخد
صحبه ويه الالم ماصاحبت محبوب
جم شوغه بعشرتك انته تدري شكد
من اول سنه من شككت مكتوب
انه مشكوك كلبي وماكلت لاحد
من موعد يتيم بعز برد تاناك
صلبته بانتظارك جمره ماتخمد
جنت اتدزلي غيمه شظنك ابرد عود
انه أب بلهفتي انسه ماابرد
انه براسي قسوتك تغلي من مشيت
نار بصفنتي شمااذكرك تشتد
شفت بيبانك مشرعه وكلتلك ضيف
موحلوه اعله ضيف ابوابكم تنسد
وجنت خطواتي عدله جاي من الباب
اتبخر خجل بلساني حرفي أرتد
خفت اصبح دموع وماالاكي عيون
عكب عينك بعد يادمعه تسوى انهد
جيتك بيدي خاتم زاير العباس
طاهر والهديه رادتك من جد
أجلت القضيه وياي مايحتاج
كلي الغيهه خلك واقعي بالرد
خل اعرف طريقي بجرحي عاد اختار
موت يسد فراغك وانسى اتعود
تذكر من كلتلك باجر اتناساك
انه لحد هسه صدك مالكيت الغد
كاتلني نعم جارحني واحلم بيك
بس مرات وحدي بذكرك اتمرد
اخلق لحظه حلوه من الخيال وياك
واطش عتابي ناظر وانصدم أرمد
اطلك ذكرياتك بس أعرس بيك
وارجع اطوي صفحه وابدي اول عد
ونتلاكه بجرح بس انته ماموجود
حظر عنك خيالك جسمك تفرهد
تحير ابيتك انته لوحبيب بعيد
كرس كل حياته لحلم بي مارد
وهيه القصه جذبه انه ماحبيت
شارب سم وحدتي وردت اخلق ند..
م.....